Ապրիլի 12-ին սպանություն է տեղի ունեցել Կապանում։ Ըստ Aravot.am-ի տեղեկությունների, սպանվել է Զանգեզուրի պղնձամոլիբդենային կոմբինատի պահնորդ Հայրապետ Մելիքսեթյանը, որը Շղարշիկում պոչատար գնացող խողովակաշարի վրա էր աշխատում։ Շղարշիկը Կապանի թաղամասերից մեկն է: Սպանել են հրազենով, պատճառներն ու հանգամանքներն անհայտ են։
Ապրիլի 12-ին՝ ժամը 11:20-ի սահմաններում, Հայաստանի Հանրապետության արդարադատության նախարարության «Արմավիր» քրեակատարողական հիմնարկի պահակետերից մեկում հայտնաբերվել է հիմնարկի պահպանության ապահովման բաժնի ծառայող, 1977թ. ծնված Լ․Մ-ի դին՝ հրազենային վնասվածքով: Նախնական տվյալներով՝ վերջինս կատարել է ինքնասպանություն իրեն ամրակցված ծառայողական զենքով: Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախաձեռնվել է քրեական վարույթ:
Ոչ մեկ ինձ չի դրդել, որ ես գնամ այդ քայլին, ես գիտակցված եմ դա արել: Այս մասին NEWS.am–ի հետ զրույցում ասաց Մալիշկայում վարչապետի ուղղությամբ անձրևանոց նետած կինը՝ Նարինե Ասատրյանը։ «Ես երկրի իրավիճակից ելնելով գնացել եմ այդ քայլին: Ամեն օր զոհ ունենք, ամեն օր հող ենք կորցնում, դա հերիք չի, որ ես գնամ այդ քայլին»,- ասաց նա:…
Ֆրանսիան խոր մտահոգություն է հայտնում Հայաստանի տարածքում՝ Տեղ բնակավայրի մոտ տեղի ունեցած բռնության կապակցությամբ։ Ասված է Ֆրանսայի ԱԳՆ հայտարարության մեջ: «Ֆրանսիան խորը մտահոգված է ապրիլի 11-ին Հայաստանի և Ադրբեջանի սահմանին, Հայաստանի տարածքում՝ Տեղ բնակավայրի մոտ տեղի ունեցած բռնության կապակցությամբ, որի հետևանքով երկու կողմից կան զոհեր և վիրավորներ։ Սա հիշեցնում է, որ սահմանազատումը պետք է իրականացվի բացառապես…
