Բաց TV-ի տեղեկություններով Արտաշատի քննչական կոմիտեում հարցաքննվող անձանցից մեկը ցած է նետվել Արտաշատի քնչական կոմիտեի սենյակի պատուհանից։ Մեր տեղեկություններով նա խնդրել է, որպեսզի ձեռքերն ազատեն՝ ծխելու նպատակով, աշխատակիցները ձեռքերը ազատել են, սակայն նա մոտեցել է պատուհանին և իրեն ցած նետել։ Ոստիկանը փորձել է օգնել, սակայն չի հասցրել բռնել նրան։
Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում. Երեսուն դիտակետերում ռուս խաղաղապահները շուրջօրյա վերահսկում են իրավիճակը և հետևում հրադադարի ռեժիմի պահպանմանը։ Ինչպես նշվում է ՌԴ ՊՆ տեղեկագրում, վրջին 24 ժամվա ընթացքում հրադադարի ռեժիմի խախտումներ չեն արձանագրվել: Նշվում է նաև, որ ռուսական խաղաղապահ կոնտինգենտի ավտոշարասյունը մարդասիրական բեռ է հասցրել Ստեփանակերտ։
Չեխիայի մայրաքաղաք Պրահայում մայիսի սկզբին կկայանա Տնտեսական համագործակցության հարցերով հայ-չեխական միջկառավարական հանձնաժողովի 6-րդ նիստը։ Այս մասին տեղեկանում ենք ՀՀ վարչապետի ապրիլի 27-ի որոշումից, որը հրապարակված է ՀՀ էլեկտրոնային կառավարման կայքում։ «Տնտեսական համագործակցության հարցերով հայ-չեխական միջկառավարական հանձնաժողովի 6-րդ նիստին մասնակցելու նպատակով 2023 թվականի մայիսի 3-5-ը Չեխիայի Հանրապետություն (Պրահա) գործուղել պատվիրակություն՝ համաձայն հավելվածի»,- ասվում է որոշման մեջ։
ՀՀ ԱԺ «Հայաստան» խմբակցության ղեկավար Սեյրան Օհանյանը, խմբակցության պատգամավորներ Աղվան Վարդանյանն ու Արթուր Խաչատրյանն ապրիլի 27-ին հանդիպել են Հայաստանում Շվեյցարիայի Համադաշնության արտակարգ և լիազոր դեսպան Լուկաս Ռոզենկրանցի հետ: Այս մասին հաղորդագրություն է տարածել Ազգային ժողովի հասարակայնության հետ կապերի և հաղորդակցության վարչությունը։ «Սեյրան Օհանյանն անդրադարձել է Հայաստանի անվտանգային խնդիրներին, Լաչինի միջանցքի փակման հետևանքով Արցախում ստեղծված հումանիտար…
