Երկուշաբթի օրը Թուրքիայի հարավ-արեւելքում տեղի ունեցած հզոր երկրաշարժի զոհերի թիվը հասել է 1498-ի, թուրքական հեռուստատեսության եթերում հայտնել է Արտակարգ իրավիճակների վարչության պետ Յունուս Սեզերը։ «Մահացած է համարվում 1498 մարդ։ Տուժել է 8533 մեր քաղաքացի»,- ասել է նա։
Հալեպում երկրաշարժի հետևանքով մահացել են հալեպահայեր մայր և որդի Միրնա և Ալպեր Թենքեճյանները: Ալպերը Հալեպի ՀԲԸՄ-ի Լազար Նաճարյան-Գալուստ Գյուլբենկյան վարժարանի սան էր և Հայ երիտասարդաց ընկերակցություն բասկետբոլի խմբի անդամ էր։
Ուկրաինայի նախագահ Վլադիմիր Զելենսկին Գերագույն ռադա է ներկայացրել օրինագիծ ռազմական դրությունը եւ զորահավաքը երկարացնելու մասին։ Փաստաթուղթը ներկայացվել է Ուկրաինայի խորհրդարանի էլեկտրոնային շտեմարանում։ Երկրում ռազմական դրության եւ զորահավաքի երկարացման ժամկետները ներկա պահին հայտնի չեն, պարզաբանող նշումներ օրինագծում չկան։
ԱՄՆ նախագահ Ջո Բայդենը հայտարարել է, որ հրամայել է խոցել հետախուզական օդապարիկը դեռևս անցած չորեքշաբթի, սակայն լսել է Պենտագոնի խորհուրդը և որոշել վտանգի տակ չդնել ցամաքում գտնվողներին։ «Չորեքշաբթի օրը, երբ ինձ տեղեկացրին օդապարիկի մասին, ես Պենտագոնին հրամայեցի խփել այն հենց չորեքշաբթի օրը, որքան հնարավոր է շուտ», – մեջբերում է Բայդենի խոսքերը Սպիտակ տունը: Պենտագոնը որոշել…
