ԱՄՆ Պետդեպարտամենտի պաշտոնական ներկայացուցիչ Մեթյու Միլլերը հունվարի 3-ին կայացած ճեպազրույցում մեկնաբանել է Երուսաղեմի հայկական թաղամասի ղեկավարների մտահոգությունը, որ Իսրայելի կառավարությունն օգտագործում է Գազայի հատվածում հակամարտությունը՝ մեծ թվով հայ քրիստոնյաների «Կովերի պարտեզից» վտարելու համար։
«Այս հարցին կոնկրետ պատասխան չկա։ Բայց, ինչպես մենք բազմիցս հայտարարել ենք, մենք չենք ցանկանում, որ Իսրայելի կառավարությունը որևէ քայլ ձեռնարկի, որը կարող է սրել լարվածությունը»,- ասել է Մեթյու Միլլերը։
Հիշեցնենք, որ դեկտեմբերի 28-ին ավելի քան 30 զինված անձինք ներխուժել էին «Կովերի պարտեզ» տարածք և բռնություն գործադրել, ինչի հետևանքով վիրավորվել էին Հայ առաքելական եկեղեցու պատրիարքարանի հոգևորականներ և տեղի հայ համայնքի ներկայացուցիչներ։
