Շտապօգնության 23 մեքենա մասնագետների ուղեկցությամբ  Լեռնային Ղարաբաղից Հայաստան են տեղափոխում ծանր և ծայրահեղ ծանր վիրավորում ստացած Լեռնային Ղարաբաղի 23 քաղաքացու։ ՀՀ առողջապահության նախարարության հաղորդմամբ, այժմ՝ Կարմիր խաչի ուղեկցությամբ, նրանք անցան Հակարիի կամուրջը։ Լրացուցիչ տեղեկատվություն կտրամադրվի։

Մետրոյի փակվելու պատճառը 18:00-ի հանրահավաքն է։ Այս մասին հայտարարել է «Ազգային կոմիտեն»-ն։ «Այս քայլն ակնհայտորեն միտված է խոչընդոտելու այսօր 18:00-ին Հանրապետության հրապարակում կայանալիք հանրահավաքին մեր հայրենակիցների մասնակցությունը: Խնդրում ենք մեր հայրենակիցներին հավաքին իրենց մասնակցությունն ապահովել` հաշվի առնելով Մետրոպոլիտենի չաշխատելու հանգամանքը»,- նշվում է հայտարարության մեջ։

ՀՀ վարչապետ Նիկոլ Փաշինյանը այսօր՝ սեպտեմբերի 24-ին, հանդես է գալիս ուղերձով։ Նշենք, որ Արցախի դեմ ադրբեջանի լայնածավալ հարձակումից հետո Փաշինյանը արդեն երրորդ անգամ է՝ հանդես է գալիս ուղերձով:

Կենտրոնական ընտրական հանձնաժողովը տեղեկացնում է՝ Երևանի ավագանու ընտրությունների ձայների վերահաշվարկն ավարտվել է, ընտրությունների արդյունքներն անվավեր ճանաչելու մասին դիմում կառույցը չի ստացել։ Հաղորդագրությունում նշված է․ «Կենտրոնական ընտրական հանձնաժողովը սեպտեմբերի 23-ի արտահերթ նիստում քննարկեց Երևանի ավագանու 2023 թվականի սեպտեմբերի 17-ի ընտրությունների քվեարկության օրվանից հետո ներկայացված դիմում-բողոքները։ Մասնավորապես Կենտրոնական ընտրական հանձնաժողովը քննարկեց «Թրանսփարենսի ինթերնեշնլ հակակոռուպցիոն կենտրոն» հասարակական կազմակերպության…