Մարտի 13-ին Անկարայում Ռուսաստանի Դաշնության արտաքին գործերի փոխնախարար Միխայիլ Գալուզինը խորհրդակցություններ է անցկացրել Թուրքիայի Հանրապետության արտաքին գործերի փոխնախարար Բուրաք Աքչապարի հետ։ Այս մասին հայտնում է ՌԴ ԱԳՆ կայքը։
Տեղեկատվության համաձայն, կողմերը, ի թիվս այլ հարցերի, համեմատել են իրենց տեսակետները Անդրկովկասում տիրող իրավիճակի վերաբերյալ՝ ընդգծելով հայ-ադրբեջանական հարաբերությունների կարգավորման գործընթացի կարևորությունը և դրա խթանումը, առաջին հերթին, տարածաշրջանային ձևաչափերում։
