Մարտի 18-ին Ադրբեջանի նախագահ Իլհամ Ալիևը զանգահարել է Ռուսաստանի նախագահ Վլադիմիր Պուտինին: Ալիևը շնորհավորել է Վլադիմիր Պուտինին նախագահական ընտրություններում հաղթանակի կապակցությամբ և հաջողություն մաղթել նախագահական գործունեության մեջ՝ հանուն երկրի զարգացման և բարգավաճման:
Վլադիմիր Պուտինը շնորհակալություն է հայտնել Ալիևին՝ ցուցաբերած ուշադրության և շնորհավորանքի համար: Հեռախոսազրույցի ընթացքում վստահություն է հայտնվել երկու երկրների միջև դաշնակցային կապերի և ռազմավարական գործընկերության հետագա ամրապնդման հարցում, մտքեր են փոխանակվել համագործակցության հեռանկարների շուրջ:
