Արցախում տեղակայված ռուսական խաղաղապահ զորախումբն Ասկերանի շրջանում հրադադարի ռեժիմի խախտման դեպքեր է արձանագրել։ Այս մասին ասվում է ՌԴ ՊՆ տեղեկատվական տեղեկագրում։
«Ասկրանի շրջանում հրադադարի ռեժիմի խախտման չորս դեպք է արձանագրվել։ Տուժածներ չկան։ Փաստի առթիվ ռուսական խաղաղապահ զորախմբի հրամանատարությունն ադրբեջանական և հայկական կողմերի հետ հետաքննություն է անցկացնում», – ասված է տեղեկագրում։
Հաղորդվում է նաև, որ Մարտունու, Մարտակերտի և Շուշիի շրջաններում պարեկություն է իրականացվել երեք երթուղով։ Գորիս-Ստեփանակերտ երթուղով ապահովվել է մարդասիրական բեռներով բարձված երկու ավտոշարասյան անցումը։
