Երևանում մինչև 7-7,5 մագնիտուդով երկրաշարժ կարող է տեղի ունենալ, ինչը կբերի աղետալի հետևանքների։ Այս մասին խորհրդարանում ասաց Արտակարգ իրավիճակների նախարար Արմեն Փամբուխչյանը։
«Հաշվի առնելով նաև Խորհրդային միության ժամանակ կառուցված բազմաբնակարանային շենքերը, ու նաև այն փաստը, որ մեր քաղաքացիները վատ սովորություն ունեն շենքում որոշակի փոփոխություններ անելու, ինչն ազդում է շենքերի սեյսմակայունության վրա»,– ասաց Արմեն Փամբուխչյանը։
