Կիրանցեցի կինը, որի տունը վերջին սահմանազատման արդյունքում պիտի անցնի Ադրբեջանին, Sputnik Արմենիա–ի հետ զրույցում ասել է, որ ծնվել, մեծացել է այդ գյուղում և այդտեղ թուրքի սահման չի եղել։
«Խելրու գյուղի մեջին մի քանի տնտեսություն են էնտեղ ապրել և չեմ լսել, որ մեկն ասի մոստը իմնա, տունն իմնա։ Հիմա մոստով, տներով, մեր ներքին թաղը` սաղ անցնում ա թուրքին, Ալիևն ըտենցա ասել»,– ասել է տիկին Խանումը և նշել, որ իրենք կադաստրի թղթեր ունեն, և եթե նրանցն է եղել, ոնց են այդ թղթերն իրենց տվել։
«Ես ո՛չ իմ տունը կյանքում կծախեմ թուրքի վրա, ո՛չ իմ հողը կծախեմ, ո՛չ էլ ես կծախվեմ, եթե իրենք սովոր են թուրքի վրա ծախվելու, թող գնան՝ էտ կոչեցյալ մարզպետն էլ, Նիկոլն էլ, ով ուզումա լինի։ Ինքը մեզ ծախեց»,-ասաց նա։
