Կարմրուկի լաբորատոր հաստատված դեպքերի թիվը վերջին թարմացումից հետո ավելացել է ևս 35-ով: Այս մասին հայտնում է ՀՀ Առողջապահության նախարարությունը։
Այսպիսով, մարտի 29-ի դրությամբ, Հայաստանում կարմրուկի լաբորատոր հաստատված դեպքերի թիվը 85 է:
85-ից հոսպիտալացված է 7-ը, 36-ը՝ հոսպիտալացված չէ, 42-ը՝ դուրս է գրվել: Հոսպիտալացված հիվանդների վիճակը գնահատվում է միջին ծանրության:
Դեպքերից 57-ը երեխաներ են, 28-ը` մեծահասակ:
«Առողջապահության նախարարությունը կարմրուկի ցուցանիշների մասին հաջորդիվ կտեղեկացնի` ելնելով համաճարակաբանական իրավիճակից», – ասվում է նախարարության հաղորդագրության մեջ։
