Հայաստանի ՊՆ-ից հայտնել են, որ մարտի 8-ին հայտնաբերվել է զինծառայող Անդրանիկ Կարոյի Օհանյանի մարմինը: ՔԿ-ից հայտնել են, որ ժամկետային զինծառայող Անդրանիկ Կարոյի Օհանյանի դին հայտնաբերվել է ծառից կախված վիճակում: Դեպքի առթիվ նախաձեռնվել է քրեական վարույթ և կատարվում է նախաքննություն: Նշանակվել է դատաբժշկական փորձաքննություն, հարցաքննվել են մի շարք զինծառայողներ։
Կահիրեում Արաբական Միացյալ Էմիրությունների պետնախարար Խալիֆա Շահեն Ալ-Մարարի հետ հանդիպման ժամանակ ՀՀ ԱԳ նախարար Արարատ Միրզոյանը նշեց, որ ադրբեջանական կողմն իր սադրանքներով խոչընդոտում է տարածաշրջանում խաղաղություն և կայունություն հաստատելու ջանքերին: ԱԳՆ-ից հայտնեցին, որ անդրադառնալով անվտանգային իրավիճակին՝ Արարատ Միրզոյանը ներկայացրել է Լաչինի միջանցքի արգելափակման հետևանքով Լեռնային Ղարաբաղում ստեղծված հումանիտար իրավիճակը և կարևորել առանց նախապայմաների միջանցքի ապաշրջափակման անհրաժեշտությունը:
Մանրամասները՝ տեսանյութում:
