Հավաքական անվտանգության պայմանագրի կազմակերպությունը նախկինի պես Հայաստանը դիտարկում է որպես իրավահավասար գործընկեր եւ պատրաստ է երկխոսության բոլոր հարցերի վերաբերյալ։ Այս մասին հայտնել է ՀԱՊԿ գլխավոր քարտուղար Իմանղալի Տասմագամբետովը «Союзники. ОДКБ» հասարակական-քաղաքական պարբերականի հարցազրույցում։
Նա նշել է, որ Հայաստանի ներկայացուցիչները չեն մասնակցել ՀԱՊԿ համատեղ զորավարժությունների շարքին Ռուսաստանում, Ղազախստանում եւ Ղրղզստանում։ Այնուամենայնիվ, ՀԱՊԿ ղեկավարությունը նախկինի պես Հայաստանը դիտարկում է որպես իրավահավասար գործընկեր կազմակերպության ձեւաչափում։
«Պատրաստ ենք երկխոսության երեւանցի գործընկերների հետ հրատապ բոլոր հարցերի շուրջ»,- նշել է նա։
