2024 թվականի հունվարի 1-ից Հայաստանը Ռուսաստանի Դաշնությունից ընդունում է ԵԱՏՄ մարմինների նախագահությունը։ Այս մասին դեկտեմբերի 25-ին Եվրասիական բարձրագույն խորհրդի նիստում հայտարարեց Հայաստանի վարչապետ Նիկոլ Փաշինյանը։
«Մենք հույս ունենք Միության անդամ երկրների աջակցության և արդյունավետ համագործակցության վրա՝ մեր առաջադրած խնդիրների իրականացման գործում։ Խորհրդանշական է, որ Հայաստանի նախագահությունը համընկնում է ԵԱՏՄ ստեղծման մասին համաձայնագրի ստորագրման տասնամյակի հետ»,- հավելեց նա։
