Օկուպացված Արցախի Մարտակերտ քաղաքի քաղաքապետ Միշա Գյուրջյանին 2 ամսով կալանավորելու մասին որոշում է կայացրել դատարանը։
«Դատարանը (Դ. Աղրամանյան) կիրառեց 2 ամիս կալանք Մարտակերտի քաղաքապետի նկատմամբ»,- հայտնել է փաստաբան Արսեն Բաբայանը։
Արցախի Հանրապետության Մարտակերտ համայնքի ղեկավարին կալանավորելու վերաբերյալ դատարան ներկայացված միջնորդության և կից նյութերի ուսումնասիրությունը վկայում է՝ Մարտակերտի քաղաքապետ Միշա Գյուրջյանին կալանավորելն ունի միայն մեկ նպատակ, վաղվա հանրահավաքից առաջ արցախցիներին ահաբեկելը, մինչ այդ հայտարարել էր պաշտպանական կողմը։
Քննչական կոմիտեն էլ Մարտակերտի քաղաքապետի ձերբակալությունը «հիմնավորել էր» «փաստաթղթերի կեղծման, խարդախությամբ խոշոր չափերով հափշտակության» կասկածով։ Բնորոշումները ՔԿ-ինն են։
