Ողբերգական ավտովթար է տեղի ունեցել Լոռու մարզում:
Ինչպես հայտնում է shamshyan.com-ը, Ներքին գործերի նախարարության ոստիկանության Լոռու մարզային վարչություն և ոստիկանության Բազումի բաժին ահազանգ է ստացվել, որ Վանաձոր-Դիլիջան ավտոճանապարհի 4-րդ կմ հատվածում ավտոմեքենան գահավիժել է ձորը:
Ոստիկանները, փրկարարներն ու պարեկները մոտ 500 մետր խորությամբ անդունդում հայտնաբերել են Opel մակնիշի ավտոմեքենա։
Ավտոմեքենայից դուրս հայտնաբերվել է երիտասարդ տղայի դի: Դեպքի վայր են ժամանել նաև մահացածի հայրն ու հարազատները։ Պարզվել է, որ այսօր առավոտ ժամը 06:00-ից իրավապահները երիտասարդին որոնում էին որպես անհետ կորած:
Մահացածը Լոռու մարզի բնակիչ, 24-ամյա Հովհաննես Կ.-ն է:
