Մոսկվան ժամանակին տեղեկացրել է Կիևին Իլ-76 ինքնաթիռով ռազմագերիների տեղափոխման մասին, որը խոցվել է Ուկրաինայի զինված ուժերի կողմից Բելգորոդի մարզում։ Այս մասին հունվարի 25-ին «Известия»-ին հայտնել է ՌԴ նախագահի մամուլի քարտուղար Դմիտրի Պեսկովը։
«Այստեղ ես առաջարկում եմ, ամեն դեպքում, կենտրոնանալ այն հաղորդագրությունների վրա, որոնք եղել են մեր կողմից։ Հենց մեր ներկայացուցիչներն են ասել, որ նման հաղորդագրությունները ժամանակին են հնչել»,- ասել է Պեսկովը։
Նա այսպես է մեկնաբանել հունվարի 24-ին Ուկրաինայի ՊՆ-ի հայտարարությունը, թե իբր Կիևը չի իմացել, թե ով է եղել ինքնաթիռում, մինչդեռ իրենք հաստատել են, որ այդ օրը կողմերի միջև պետք է ռազմագերիների փոխանակում տեղի ունենար։ Բացի այդ, գերատեսչությունը Ռուսաստանին մեղադրել է Ուկրաինայում իրավիճակն ապակայունացնելու և նրա միջազգային աջակցությունը թուլացնելու փորձերի մեջ։
Այնուամենայնիվ, նա նշել է, որ ռազմագերիների փոխանակման հետ կապված բոլոր մեխանիզմները զգայուն տեղեկատվություն են։ Պեսկովի խոսքով՝ գործընթացը պետք է իրականացվի հանրությունից դուրս։
«Այս գործընթացը խթանելու շահերից ելնելով, այս բոլոր մանրամասները քննարկելու կարիք չկա»,- ասել է ՌԴ նախագահի մամուլի քարտուղարը։
