ԱԺ պատգամավոր Անդրանիկ Քոչարյանը ափսոսում է, որ ընդդիմադիր դաշտը ներկայացնողները շարունակաբար բացակայում են 44-օրյա պատերազմի հանգամանքներն ուսումնասիրող քննիչ հանձնաժողովի նիստերից։ Նա այս հայտարարությունն արեց ԱԺ–ում լրագրողների հետ զրույցում։
«Զինվորականներ կան, որոնք վախեցած են, օրինակ` Տիրան Խաչատրյանը, որը հրապարակայնորեն հրաժարվել է գալ նիստին։ Արտաքին քաղաքականության հարցերով ես հրավիրել եմ Վարդան Օսկանյանին, որը հրաժարվել է, բայց մենք նորից կուղարկենք հրավեր: Արցախի հետ կապված լսումների ժամանակ ինքը պետք է բարի լինի, գա, որովհետև շատ հարցեր առնչվելու են ԱԳՆ-ի իրականացրած քայլերին»,– նշեց նա։
Հանձնաժողովի նախագահը տեղեկացրեց, որ հրավեր է ստացել նաև Արցախի պաշտպանության բանակի նախկին հրամանատար Ջալալ Հարությունյանը, և հույս հայնեց, որ նա կընդունի հրավերը՝ ի տարբերություն Մովսես Հակոբյանի (ԶՈւ ԳՇ նախկին պետ), որին նույնպես կրկին հրավեր կուղարկվի։
