Ավելի քան 1700 հայկական բեռնատար է կանգնած Հյուսիսային Օսիայի Վերին Լարս ռուս-վրացական անցակետի էլեկտրոնային հերթում։ Այդ մասին հայտնում է Հյուսիսային Օսիայի Ճանապարհային երթեւեկության կազմակերպման կենտրոնի կայքը։
Վերջին տվյալներով, հերթագրված է 4862 ավտոմեքենա։ Դրանցից 1761 հայկական բեռնատարներն են, որոնք էլեկտրոնային հերթում սպասում են Վրաստան մեկնելու համար։
Կանաչ գոտում (սահմանակետում) այս պահին տարբեր երկրների 400 ծանր բեռնատար կա ։
Ռուսաստանից Վրաստան տանող ճանապարհի Վերին Լարսի անցակետով մեկ շաբաթից ավելի մեծ հերթեր են պահպանվում։ Քաղաքացիները ստիպված են երկար ժամեր սպասել անցակետերով անցնելու համար, խցանումներ են նկատվում նաև չեզոք ճանապարահատվածներում։
Խցանումների պատճառ է հանգստի սեզոնի և գյուղմթերք տեղափոխող բեռնատարների մեծ հոսքի պատճառով։
Վիճակագրության համաձայն՝ օրական Վերին Լարսով անցնում է մոտ 150 հայկական բեռնատար։
Հիշեցնենք, որ Վրաստանի ռազմական ճանապարհը միակ գործող ցամաքային ճանապարհն է, որը կապում է Հայաստանը Ռուսաստանի հետ (Վրաստանով):
