Մենք առանձին մեկ կաթիլ ենք, միասին օվկիանոս ենք, Twitter-ի իր միկրոբլոգում գրել է Թուրքիա-Հայաստան կարգավորման գործընթացում Թուրքիայի հատուկ ներկայացուցիչ Սերդար Քըլըչը՝ իր էջում տարածելով Հայաստանի հատուկ ներկայացուցիչ Ռուբեն Ռուբինյանի գրառումն այն մասին, որ հայ փրկարարների խումբը երկրաշարժից տուժած ևս երկու կնոջ է փրկել:
«Սա այն օրն է, երբ բոլորս մի կողմ ենք դրել էթնիկ պատկանելությունը, ազգությունը, կրոնը և ցուցաբերում ենք մարդասիրության և մարդկային համերաշխության ամենաբարձր մակարդակը՝ որպես նույն Աստծո զավակներ։ Աստված օրհնի բոլորիդ», – գրել է Քըլըչը։