Սոցիալական մեդիայում տարածվող տեղեկությունը, ըստ որի Արցախը Հայաստանին կապող միակ ճանապարհը բացվել է, կեղծ է: Ադրբեջանը շարունակում է բնապահպանական պատրվակով Արցախի շրջափակումը: Տեղեկացնում ենք նաև, որ ճանապարհի բացման դեպքում կտարածվի պաշտոնական հաղորդագրություն: Խնդրում ենք տուրք չտալ ապատեղեկատվությանը: ԱՀ տեղեկատվական շտաբ
Կոտայքի մարզում այսօր՝ ժամը 12։30-ի սահմաններում Nissan Teana մակնիշի ավտոմեքենան Երեւան-Սեւան ավտոճանապարհի 11 կմ հատվածում, դեպի Սեւան ընթանալիս, բախվել է ճանապարհին կայանված Ford Cougar մակնիշի ավտոմեքենային։ Այս մասին հաղորդում է Shamshyan.com-ը։ Վթարի հետեւանքով 6 հոգի տարբեր աստիճանի մարմնական վնասվածքներով տեղափոխվել են «Աբովյան» բժշկական կենտրոն։ Ոստիկանությունն ու քննչական բաժինը պարզում են վարորդների եւ վիրավորների ինքնությունը։
Նոր ցնցումները և ավերածությունները հանգիստ չեն տալիս Թուրքիային, իսկ զոհերի թվերը գնալով աճում են։ Չնայած նրան, որ որոնողափրկարարական աշխատանքները մոտենում են ավարտին, իսկ նախագահ Էրդողանը հայտարարում է, որ գործադրվում է ամեն ջանք աղետի հետևանքները վերացնելու նպատակով, երկրում պարբերաբար կրկնվող ցնցումները դառնում են մարդկային և ֆինանսական լուրջ կորուստների պատճառ։ Մանրամասները դիտեք Բաց TV -ի պատրաստած ռեպորտաժում…
Փետրվարի 25-ին ՀՀ ԱԳ նախարար Արարատ Միրզոյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարին: Հանդիպման ընթացքում անդրադարձ է կատարվել Հայաստան-Ադրբեջան հարաբերությունների կարգավորման գործընթացի վերջին զարգացումներին: Ընդգծվել է Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղում ստեղծված հումանիտար իրավիճակի հանգուցալուծման հրամայականը:
