Հայաստանի հեռուստատեսային և ռադիոհաղորդիչ ցանցը պատրաստվում է դադարեցնել որոշ հեռուստաընկերությունների հեռարձակումը։ Դրանք են «Շանթը», ATV-ն, Freenews-ը, «Դար 21»-ը և «Ֆորտունան»:
«Պայմանագրային պարտավորությունները չկատարելու արդյունքում մի շարք հեռուստաընկերություններ կուտակել են պարտքեր։ Համաձայն պայմանագրի մենք նախատեսում ենք մի քանի հեռուստաընկերությունների հեռարձակումը ժամանակավորապես՝ առաջին անգամ 2 ժամով դադարեցնել»,- «Արմենպրեսի» հետ զրույցում ասել է ԲՏԱ նախարարության անձնակազմի կառավարման, իրավաբանական և տնտեսագիտական վարչության պետ Գարիկ Հայրապետյանը։
