Փետրվարի 26-ին, ավտովթար է տեղի ունեցել Արարատի մարզում, հայտնում է shamshyan.com-ը։
Ժամը 21։00-ի սահմաններում Շահումյան գյուղի Երեմ Կարապետյան փողոցի կենտրոնական հատվածում բախվել են Արարատի մարզի բնակիչներ 65-ամյա Անդրանիկ Բ-ի վարած «ՎԱՍ» մակնիշի ավտոբուսն ու 47-ամյա Էդիկ Կ․-ի վարած Opel Astra մակնիշի ավտոմեքենան։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից էդիկ Կ․-ն մարմնական վնասվածքներով տեղափոխվել է «Արտաշատ» բժշկական կենտրոն, որտեղ առաջին բուժօգնությունը ստանալուց հետո տեղափոխվել է «Էրեբունի» բժշկական կենտրոն։
