Ռուսաստանում պայթուցիկներով բեռնված օդաչուները հարվածել են նավթի պահեստին

Լույս փետրվարի 28-ը Տուապսեում նավթի պահեստի տարածքում հրդեհ է բռնկվել, հայտնում է Коммерсантъ-ը՝ հղում անելով Կրասնոդարի երկրամասի ԱԻՆ մամուլի ծառայությանը։
Գերատեսչությունը հայտնել է, որ հրդեհը բռնկվել է Ինդուստրիալնայա փողոցում գտնվող նավթի պահեստի տարածքում գտնվող տնտեսական շենքում։ Նավթի տանկերները չեն վնասվել, նավթի արտահոսք չի եղել, ասվում է հաղորդագրության մեջ։
Ինչպես հաղորդում է Baza թելեգրամյան ալիքը, հրդեհը տեղի է ունեցել այն բանից հետո, երբ նավթի պահեստը ենթարկվել է անօդաչու սարքերի հարձակմանը։ Լրատվամիջոցները հայտնում են, որ պայթուցիկով բեռնված երկու անօդաչու թռչող սարքը վնասել է նավթի պահեստին կից կաթսայատան շենքը։
Մինչդեռ Shot թելեգրայան ալիքն իր հերթին գրում է, որ նավթի պահեստից հարյուր մետր հեռավորության վրա պայթել է պայթուցիկներով բեռնված երկու անօդաչու։ Պայթյունից վնասվել է կաթսայատան շենքը։ Ոչ ոք չի տուժել, ասել է աղբյուրը։ Տուապսեի շրջանի ղեկավար Սերգեյ Բոյկոն հաստատել է նավթի պահեստի տարածքում բռնկված հրդեհի մասին տեղեկությունը։ Նա քաղաքացիներին վստահեցրել է, որ անհանգստանալու պատճառ չկա.