ՀՀ երկրորդ Նախագահ Ռոբերտ Քոչարյանի ֆեյսբուքյան էջում ասված է , որ Բագրատ Միկոյանը նշանակվել է ՀՀ երկրորդ Նախագահի գրասենյակի պատասխանատու։ Մինչ այդ, նա զբաղեցնում էր նույն գրասենյակի համակարգողի պաշտոնը ։
Վիկտոր Սողոմոնյանը, ով 2008 թվականից ղեկավարում էր պաշտոնաթող Նախագահ Քոչարյանի գրասենյակը, փետրվարին հայտարարեց հեռանալու մասին։ Բագրատ Հրաչիկի Միկոյանի կենսագրությունը.
Ծնվել է 1979թ. հունիսի 28-ին, Կիրովական քաղաքում։
1995թ. ավարտել է Կիրովականի թիվ 4 միջնակարգ դպրոցը։
2000թ. ավարտել է Երևանի պետական համալսարանի աստվածաբանության ֆակուլտետը։
2000-2002թթ. ծառայել է ՀՀ Զինված ուժերում: Պահեստազորի սպա է։
2004թ. ավարտել է Երևանի պետական համալսարանի միջազգային հարաբերությունների ֆակուլտետի մագիստրատուրան։
2011թ. ավարտել է Հայաստանի դիվանագիտական դպրոցը։
2004-2008թթ. աշխատել է Հայաստանի Հանրապետության Նախագահի աշխատակազմի Արարողակարգի բաժնում։
2008-2023թթ. զբաղեցրել է Հայաստանի Հանրապետության պաշտոնաթող նախագահ Ռոբերտ Քոչարյանի գրասենյակի համակարգողի պաշտոնը։ Անկուսակցական է։ Ամուսնացած է, ունի երեք զավակ։
Նյութի սկզբնաղբյուրն ՝ այստեղ
