Մոսկվան կարծում է, որ պետք է խուսափել Հայաստանի և Ադրբեջանի միջև միջնորդական ջանքերի կրկնությունից։ Այս մասին ՏԱՍՍ-ին տված հարցազրույցում ասել է Ռուսաստանի փոխարտգործնախարար Միխայիլ Գալուզինը։
«Ամենակարևորը շարունակական միջնորդական ջանքերի կրկնությունից և մրցակցությունից խուսափելն է, հասնելը դրանց սիներգիայի»,- ասել է նա՝ մեկնաբանելով Եգիպտոսի առաջարկը՝ միջնորդ դառնալ Հայաստանի և Ադրբեջանի միջև։
Միաժամանակ ՌԴ ԱԳՆ-ն ողջունել է ցանկացած նախաձեռնություն, որը կարող է աջակցել Բաքվի և Երևանի միջև հարաբերությունների կարգավորմանը։ Գալուզինը ընդգծել է, որ Բաքվի և Երևանի հաշտեցումը հիմնված է «Ռուսաստանի, Ադրբեջանի և Հայաստանի ղեկավարների միջև եռակողմ համաձայնագրերի վրա»։
«Նկատի ունեմ տրանսպորտային և տնտեսական կապերի ապաշրջափակման միջոցառումները, սահմանազատումը, սոցիալական ակտիվիստների և փորձագետների շփումների միջոցով վստահության ամրապնդումը, խաղաղության պայմանագրի պատրաստումը», – հավելել է Գալուզինը։
«Հենց այս ուղով ենք մենք ընկալում Եգիպտոսի նման մեծ և ազդեցիկ երկրի նախաձեռնությունը՝ աջակցելու Բաքվի և Երևանի միջև խաղաղության գործընթացին», – հավելել է Գալուզինը։
Հունվարի 29-ին Եգիպտոսի նախագահ Աբդել Ֆաթահ աս Սիսին հայտարարել էր, որ Եգիպտոսը պատրաստ է միջնորդ դառնալ Հայաստանի և Ադրբեջանի միջև՝ նրանց միջև հարաբերությունները կարգավորելու համար։
