Ադրբեջանի ԱԳՆ-ն արձագանքել է Կառավարության նիստի ժամանակ ՀՀ վարչապետ Նիկոլ Փաշինյանի հայտարարություններին՝ հայտարարելով, թե իբր տարածաշրջանում «իրավիճակը շահարկելու» (չակերտները՝ Tert.am) Հայաստանի վարչապետ Նիկոլ Փաշինյանի վերջին փորձերը անընդունելի են։
«Գաղտնիք չէ, որ Հայաստանը, «ժողովրդավարության քողի տակ» (չակերտները՝ Tert.am), «շարունակում է իր ագրեսիվ քաղաքականությունը» (չակերտները՝ Tert.am)։ Հայաստանի վարչապետը հիմքեր չունի «սխալ մեկնաբանելու» (չակերտները՝ Tert.am) Արդարադատության միջազգային դատարանի միջանկյալ որոշումը Լաչինի ճանապարհի վերաբերյալ և մեղադրանքներ ներկայացնելու, որ Ադրբեջանը «իբր» (չակերտները՝ Tert.am) փակել է Լաչինի ճանապարհը», – ասել է Ադրբեջանի ԱԳՆ խոսնակ Այխան Հաջիզադեն։
Հիշեցնենք, որ Փաշինյանը Կառավարության նիստում ասել էր.«Այսպիսով, կարող ենք արձանագրել, որ Ադրբեջանը ոչ միայն չի կատարում Արդարադատության միջազգային դատարանի սույն թվականի փետրվարի 22-ին կայացրած որոշումը՝ Լաչինի միջանցքի ապօրինի արգելափակումը վերացնելու մասին, այլև ավելի է սրում իրավիճակը Լեռնային Ղարաբաղի նաև ներքին տրանսպորտային հաղորդակցությունն արգելափակելուն ուղղված քայլեր ձեռնարկելով։ 2054 բարձունքից ադրբեջանական կողմը ուղիղ դիտարկման տակ է վերցրել Ստեփանակերտը, Հին Շեն, Մեծ Շեն և մի քանի այլ գյուղերի հետ կապող գրունտային ճանապարհը»։
Հիշեցնենք, որ Արցախի Հանրապետության ներքին գործերի նախարարության ոստիկանությունից հայտնել են, որ Ադրբեջանի զինուժն այսօր գիշեր փակել է Գորիս-Ստեփանակերտ մայրուղին` Աղավնո և Տեղ գյուղերի արանքում:
Արդեն պատրաստ է փակված ճանապարհը շրջանցող՝ Սյունիքի մարզի Տեղ-Կոռնիձոր գրունտային նոր ավտոճանապարհը, որը միանում է 2022թ. օգոստոսին շահագործման հանձնված նոր՝ Կոռնիձոր-Հին շեն ճանապարհին («Բերձորի (Լաչինի) միջանցքին»): Տեղ-Կոռնիձոր նշված ճանապարհի ասֆալտապատման աշխատանքները Հայաստանի Հանրապետության կողմից ընթացքի մեջ են։
Նյութն ամբողջությամբ ՝ այստեղ
