ԱԺ «Հայաստան» խմբակցության պատգամավոր Արթուր Խաչատրյանը ողջունում է «Նեմեսիս»-ի հուշարձանի տեղադրումը Հայաստանում։
«Շատ ճիշտ ու սպասված քայլ էր, իշխանությունների, Փաշինյանի արձագանքը, որ, միգուցե, այդքան էլ ճիշտ չէր՝ դատապարտում եմ։ Դա իրենց պարտվողական քաղաքականության շարունակությունն է, թուրքերի առաջ ծնկելու քաղաքականության շարունակությունն է», – Ազգային ժողովում լրագրողների հետ զրույցում ասաց նա։
Խաչատրյանի խոսքով՝ իշխանությունը պետք է հասկանա՝ ցանկացած զիջում թուրքերին ու ադրբեջանցիներին բերելու է նորանոր պահանջներ։Արթուր Խաչատրյանը չի բացառում, որ իշխանությունները փորձ կանեն ապամոնտաժել «Նեմեսիս»-ի հուշարձանը։
