Արցախի բոլոր նախադպրոցական ուսումնական հաստատություններում (մանկապարտեզներում) փետրվարի 27-ից լիարժեքորեն կվերսկսվի ուսումնադաստիարակչական գործընթացը, ֆեսբուքյան էջում հայտնել է Արցախի տեղեկատվական շտաբը՝ հղում անելով երկրի առողջապահության նախարարությանը։
«Արցախի Հանրապետության կրթության, գիտության, մշակույթի և սպորտի նախարարությունը հիշեցնում է, որ փետրվարի 27-ից Արցախի Հանրապետությունում գործող բոլոր նախադպրոցական ուսումնական հաստատություններում (մանկապարտեզներում) լիարժեքորեն կվերսկսվի ուսումնադաստիարակչական գործընթացը:
Հանրակրթական դպրոցների նախադպրոցական խմբերի համապատասխան ռեժիմի և երկարօրյա ծրագրերի վերսկսման վերաբերյալ կտրվի լրացուցիչ տեղեկատվություն»,- ասվում է գրառման մեջ:
