ՀՀ ԱԺ նախագահ Ալեն Սիմոնյանը աշխատանքային այցով գտնվում է Գերմանիայում ։
«Ուրախ ենք Գերմանիայում ողջունել ՀՀ ԱԺ նախագահ Ալեն Սիմոնյանին»,- սոցցանցում հայտնել է Գերմանիայում ՀՀ դեսպան Վիկտոր Ենգիբարյանը: ՀՀ ազգային ժողովի 14-հոգանոց պատվիրակությունը ԱԺ նախագահ Ալեն Սիմոնյանի գլխավորությամբ գործուղման է մեկնել Բեռլին։ Պատվիրակությունում են նաեւ ԱԺ նախագահի խորհրդական Հովհաննես Նալբանդյանը, ԱԺ նախգահի մամուլի քարտուղար Ծովինար Խաչատրյանը, ԱԺ աշխատակազմի արտաքին կապերի վարչության պետ Տիգրան Սեյրանյանը, ԱԺ աշխատակազմի արարողակարգի վարչության պետ Ալեքսանդր Մխիթարյանը եւ այլք:
Հիշեցնենք, որ մարտի 20-ին Ալեն Սիմոնյանը մարզվելու ընթացքում ընկել էր եւ կոտրել արմունկը։ Հաջորդ օրը նա ենթարկվել էր վիրահատության:
