Սերբիայի մայրաքաղաք Բելգրադում անցկացվող հունահռոմեական ոճի ըմբշամարտի աշխարհի առաջնությունում Հայաստանի ներկայացուցիչ Սլավիկ Գալստյանը (67 կգ) 1/8 եզրափակիչում 10։0 հաշվով հաղթեց թուրք մրցակցին՝ Մուրատ Ֆիրադին և դուրս եկավ քառորդ եզրափակիչ։
Հայաստանի մյուս ներկայացուցիչներից Գևորգ Թադեւոսյանը 1/8 եզրափակիչում պարտվեց աշխարհի փոխչեմպիոն, Եվրոպայի և Եվրոպական խաղերի բրոնզե մեդալակիր, Շվեդիայի ներկայացուցիչ Ալեքս Կեսիդիսին:
Նշենք, որ այսօր կմեկնարկեն նաև քառորդ եզրափակիչները:
Աշխարհի առաջնությունը ըմբիշների առաջին օլիմպիական վարկանիշային մրցաշարն է: Հայաստանի հավաքականից Փարիզի Օլիմպիական խացերի ուղեգրեր են արդեն նվաճել Արթուր Ալեքսանյանը և Մալխաս Ամոյանը:
