«Երևանում մենք շատ կաևոր քննարկում ենք ունեցել Արարատ Միրզոյանի, կարևոր հանդիպում ենք ունեցել Նիկոլ Փաշինյանի հետ։ Քննարկել ենք Երևանի ու Թեհրանի միջև համագործակցությունը, ինչպես Հարավային Կովկասում կայուն խաղաղություն ու այն դերը, որ Իրանի Իսլամական Հանրապետությունը կարող է ունենալ այդ գործընթացում»,-հայտարարեց Իրանի ԱԳ նախարար Հոսեյն Ամիր Աբդոլլահիանը:
Համատեղ մամուլի ասուլիսում իր խոսքի սկզբում Իրանի ԱԳ նախարարը շնորհավորեց հայերին ու քրիստոնյաներին առաջիկա տոների կապակցությամբ։
Իրանցի պաշտոնյան հայտարարեց՝ Իրանն աջակցում է Հայաստանի տարածքային ամբողջականությանն ու ինքնիշխանությանը։
«Իրանը հարևան Հայաստանի հետ ունեցել է պատմական հարաբերություններ, որոնք օրսըտօրե ավելի զարգանում և խորանում են»,-ասաց Հոսեյն Ամիր Աբդոլլահիանը։
Նա կարևոր գնահատեց Կապանում Իրանի հյուպատոսության բացումը, ասաց՝ այսօր համաձայնության են եկել Թավրիզում Հայաստանի հյուպատոսության բացման շուրջ։
«Հուսով ենք, որ նոր տարվա առաջին շաբաթների ընթացքում իմ գործընկերոջ հետ ականատեսը կլինենք Թավրիզում Հայաստանի գլխավոր հյուպատոսության պաշտոնական արարողությանը»,-ասաց Իրանի ԱԳ նախարարը։
