Գերմանիայի արտաքին գործերի նախարար Անալենա Բերբոքը կարծում է, որ հնարավոր է խաղաղություն հաստատել Ադրբեջանի և Հայաստանի միջև։ Գերմանիան, նրա խոսքով, մտադիր է շարունակել աջակցել երկու կողմերին՝ հակամարտությունը կարգավորելու իրենց ջանքերում։
«Մենք կարծում ենք, որ Հայաստանն ու Ադրբեջանմ այժմ հնարավորություն ունեն հասնելու կայուն խաղաղության երկար տարիների ցավոտ հակամարտությունից հետո»,-ՏԱՍՍ-ի փոխանցմամբ, ասել է Բերբոքը Բեռլինում, որտեղ նա հանդիպել է երկու երկրների արտգործնախարարների հետ։ Բանակցությունները տեղի են ունեցել Գերմանիայի արտաքին գործերի նախարարության շենքում։
