Դուք հարաբերվում եք մի մարդու հետ, ով տևապես ստախոս է, ու, կներեք այս խոսքի համար՝ «քցող». Հանրապետության հրապարակից հայտարարեց Բագրատ Սրբազանը։
«Այ էս մարդու հետ եք հարաբերվում, բայց նա ամենավերջին ժամին ձեզ էլ է մատնելու, մեր այստեղ գտնվելու նպատակն է, որ դուք էլ չմատնվեք»,-ասաց Սրբազանը։
Նա նշեց՝ տեղյակ է, որ Նիկոլ Փաշինյանը Կառավարության շենքի հետնամասից փախչելու է։
«Հիմա ոստիկաններին խտացրել են էն կողմի վրա, որ մարդն առոք-փառոք փախչի։ Հիմա նրա կյանքը լինելու է Հայաստանում այնպես, որ որևէ տեղ գնալիս նա պետք է իմանա, որ ինքը փախուստի մեջ է լինելու, որովհետև ստախոսությունը երկար չի կարող ապրել»,-ասաց նա։
Բագրատ Սրբազանը համախոհների հետ շարժվեց դեպի Կառավարության շենքի հետնամաս, որտեղից, ըստ նրա, պետք է Փաշինյանը լքի շենքը։
