Այսօր ՀՀ Տավուշի մարզի Ոսկեպար համայնքի Սուրբ Աստվածածին եկեղեցու հարակից տարածքում, ականի պայթյունի հետևանքով վիրավորում է ստացել ԱԱԾ սահմանապահ զորքերի սահմանապահ վերակարգի պայմանագրային զինծառայող սերժանտ Նարեկ Սերգոյի Գարեգինյանը (ծնվ. 2000թ)։
Ազգային անվտանգության ծառայությունից հայտնում են, որ Նարեկ Գարեգինյանի կյանքին վտանգ չի սպառնում։
Ներկայումս իրականացվում է վերջինիս տեղափոխումը Երևանի բուժհաստատություն։
Դեպքի հանգամանքները պարզվում են։
