Մեկնարկել է Երևանի ավագանու նիստը։ Նիստի օրակարգում 37 հարց է ներառված։
Հարցերից երեքը վերաբերում են ավագանու ընդդիմադիր անդամներին՝ Գրիգորի Երիցյանին, Անույշ Խուդավերդյանին, Անուշ Գինոսյանին լիազորություններից զրկելուն։
«Ազգային առաջընթաց» խմբակցության ղեկավար Գրիգոր Երիցյանը նշել է, որ սա Ավինյանի՝ ընդդիմախոսներից ազատվելու և քաղաքական հաշվեհարդարի հերթական փորձն է, որը վտանգավոր նախադեպ է ստեղծում, քանի որ Հայաստանի նորանկախ պատմության մեջ որևէ իշխանություն մանդատից չի զրկել որևէ ընդդիմադիր խմբակցության ղեկավարի։
