Թուրքիայում երկրաշարժի զոհերի թիվը հասել է 3381-ի։ Ավելի վաղ Թուրքիայի փոխնախագահ Ֆուաթ Օքթայը հայտնել էր, որ փլատակների տակից ողջ-ողջ դուրս է բերվել 7840 մարդ։ Օքթայը հավելել է, որ 338 հազար մարդ տեղավորվել է հանրակացարաններում, համալսարաններում և ապաստարաններում։ Երկրի նախագահ Ռեջեփ Թայիփ Էրդողանը Թուրքիայում յոթնօրյա համազգային սուգ է հայտարարել։
Կենտրոնական Թուրքիայում 5,6 մագնիտուդ ուժգնությամբ երկրաշարժ է տեղի ունեցել, հայտնում է Եվրոպական-միջերկրածովյան սեյսմոլոգիական կենտրոնը: Ցնցումները գրանցվել են Երևանի ժամանակով 07։13-ին: Էպիկենտրոնը գտնվել է Անկարայից 43 կմ հեռավորության վրա, օջախը 10 կմ խորության վրա է եղել: Այս երկրաշարժից 5 րոպե առաջ գրանցվել է ևս մեկ ցնցում` 5 մագնիտուդ հզորությամբ. այն գրանցվել է Մալաթիա արվարձանի մոտակայքում:
Մալաթիայում երկրաշարժից զոհված հայ ամուսինների մանկահասակ երեխաներից մեկը հիվանդանոցում մահացել է։ Այս մասին «Արմենպրես»-ին տեղեկացրել են ընտանիքի հարազատները։ Ավելի վաղ երկրաշարժի հեռևանքով Մալաթիայում զոհվել էին հայ ամուսիններ։ Նրանց երեխաները հիվանդանոցում էին։
Թուրքիայի հարավում տեղի ունեցած ավերիչ երկրաշարժի զոհերի թիվը հասել է 2921-ի, հայտնել է Թուրքիայի Արտակարգ իրավիճակների կառավարման գործակալության (AFAD) ղեկավար Յունուս Սեզարը։ Եվս 15 834 մարդ վիրավորվել է, ասել է նա։ Ինչպես գրում է Անադոլու գործակալությունը, ավելի վաղ Թուրքիայի փոխնախագահ Ֆուաթ Օքթայը հայտնել էր, որ փլատակների տակից ողջ-ողջ դուրս է բերվել 7840 մարդ։ Օքթայը հավելել…
