Category: Տարածաշրջան
Մհեր Ղանդիլյանը դարձել է Ռուսաստանի սպորտի փոխնախարար
Մհեր Ղանդիլյանը դարձել է Ռուսաստանի սպորտի փոխնախարար։ ՌԴ կառավարության համապատասխան հրամանը հրապարակվել է իրավական ակտերի պորտալում։ «Մհեր Միրանի Ղանդիլյանին նշանակել Ռուսաստանի Դաշնության սպորտի նախարարի տեղակալ»,-ասված է փաստաթղթում։ Մայիսին սպորտի նոր նախարար է նշանակվել Խաբարովսկի երկրամասի նախկին նահանգապետ Միխայիլ Դեգտյարևը։ Այս պաշտոնում նա փոխարինել է Օլեգ Մատիցինին։ 31-ամյա Ղանդիլյանը հունիսին լքել է Խաբարովսկի երկրամասի փոխնահանգապետի պաշտոնը։
Հայաստանն Ադրբեջանից ստացել է խաղաղության պայմանագրի առաջարկների 10 փաթեթ
Հայաստանը Ադրբեջանից ստացել է խաղաղության պայմանագրի առաջարկների 10 փաթեթ, այդ մասին հայտնել է Արմեն Գրիգորյանը։ Նա նշել է, որ գործընթացը դինամիկ է։ Գրիգորյանի խոսքով՝ երբեմն առաջընթաց կա, երբեմն՝ ոչ․ «Մենք քրտնաջան աշխատում ենք»։
Դաղստանի իշխանությունները եռօրյա սուգ են հայտարարել ահաբեկչությունների կապակցությամբ
Դաղստանում հունիսի 24-ից 26-ը սուգ է հայտարարվել՝ կապված Դերբենտում և Մախաչկալայում զինյալների հարձակումների հետ, հանրապետությունում չեղյալ են հայտարարվել բոլոր ժամանցային միջոցառումները, հայտնում է Դաղստանի ղեկավարի վարչակազմի մամուլի ծառայությունը։ «Դաղստանում հունիսի 24-ը, 25-ը և 26-ը սգո օրեր են հայտարարվել։ Համապատասխան հրամանագիրը հենց նոր ստորագրել է Սերգեյ Մելիքովը»,- ասվում է հաղորդագրության մեջ։ Սգո օրերին հանրապետության…