Հայաստանի ազատ ոճի ըմբշամարտի հավաքականը շարունակում է պայքարը Բուխարեստում ընթացող Եվրոպայի առաջնությունում: Հայկ Պապիկյանը (74 կգ) որակավորման փուլում հաղթել է լեհ մրցակցին։ Կնյազ Իբոյանը (92 կգ) մեկնարկում հաղթել է բելառուս մարզիկին և դուրս եկել քառորդ եզրափակիչ։ Այսօր Եվրոպայի առաջնության չեմպիոնի կոչման համար կմրցեն նաև 57 կգ քաշային Արսեն Հարությունյանը և 70 կգ Արման Անդրեասյանը։
ՀՀ վարչապետ Նիկոլ Փաշինյանը հանդիպել է Գերմանիայի կանցլեր Օլաֆ Շոլցի եւ Ադրբեջանի նախագահ Իլհամ Ալիեւի հետ։ «Մյունխենի անվտանգության համաժողովի շրջանակում եռակողմ հանդիպում՝ Գերմանիայի կանցլեր Օլաֆ Շոլցի եւ Ադրբեջանի նախագահ Իլհամ Ալիեւի հետ», – գրել է ՀՀ վարչապետը և լուսանկար հրապարակել։
Մյունխենի անվտանգության համաժողովի շրջանակում շարունակում եմ երկկողմ հանդիպումները՝ միջազգային գործընկերների հետ: Այս մասին Ֆեյսբուքի իր էջում գրել է ՀՀ վարչապետ Նիկոլ Փաշինյանը: «Այսօրվա առաջին հանդիպումը Լիխտենշտայնի իշխան Ալոիս ֆոն ունդ ցու Լիխտենշտայնի հետ էր»,- տեղեկացրել է վարչապետը:
Դատաբժշկական գիտագործնական կենտրոնի տնօրեն Մհեր Բիշարյանին մեղադրանք է ներկայացվել հակակոռուպցիոն կոմիտեում քննվող վարույթի շրջանակում։ Այդ մասին լրատվամիջոցներին հայտնում են կոմիտեից։ Այլ մանրամասներ առայժմ չեն հաղորդվում։ Հիշեցնենք, որ նախօրեին ՀՀ հակակոռուպցիոն կոմիտեի մեծ թվով քննիչներ ժամանել էին Հերացի փողոցի վրա գործող դատաբժշկական գիտագործնական կենտրոն և ձերբակալել Դատաբժշկական գիտագործնական կենտրոնի տնօրեն Մհեր Բիշարյանին։
