ՌԴ ԱԳ փոխնախարար Միխայիլ Գալուզինն ընդունել է Ռուսաստանում Հայաստանի նորանշանակ դեսպան Գուրգեն Արսենյանին, նա ՌԴ փոխարտգործնախարարին է հանձնել իր հավատարմագրերի պատճենը։ Այդ մասին տեղեկանում ենք ՌԴ ԱԳՆ պաշտոնական հաղորդագրությունից։
Ռուսաստանի արտգործնախարարությունից հայտնում են, որ հանդիպմանը քննարկվել են հայ-ռուսական հարաբերությունների ներկա վիճակը, ինչպես նաև հեռանկարները։ Նշվում է նաև, որ Միխայիլ Գալուզինը հաջողություն է մաղթել Գուրգեն Արսենյանին՝ որպես դեսպան իր առաքելությունն իրականացնելիս։
