Հասարակական և քաղաքական գործիչ, «Ուժը Հայրենյաց» կուսակցության համահիմնադիր և վերահսկիչ հանձնաժողովի ղեկավար Նատալյա Արզաքանցյանը վստահ է, որ Հայաստանն ունի բոլոր հնարավորությունները BRICS-ի մաս դառնալու․ այս մասին տեղեկանում ենք ռուսական տասնյակ ԶԼՄ-ներում տեղ գտած հոդվածներից։
Իսկ ինչո՞ւ հիմա ու ինչո՞ւ BRICS
2024 թվականը բախտորոշ տարի է BRICS դաշինքի համար, քանի որ հենց այս տարի է, որ առաջին անգամ BRICS-ի համաշխարհային գագաթնաժողովը՝ նորացված ձևաչափով, տեղի կունենա Կազանում և կազմված կլինի դաշինքի ոչ թե հինգ, այլ տասը անդամից։ Միացել են Իրանը, Սաուդյան Արաբիան, ԱՄԷ-ն, Եգիպտոսը և Եթովպիան։ Իսկ ո՞վ է նախագահելու BRICS-ը 2024 թվականին: Ճակատագիրն ինքը որոշեց, որ այն երկիրը, որն ամենաակտիվն էր BRICS դաշինքի ստեղծման գործում, զբաղեցրեց նախագահությունը այս նշանակալից 2024-ին: Այդ երկիրը Ռուսաստանն է։
Նշենք, որ Բրազիլիան, Ռուսաստանը, Հնդկաստանը և Չինաստանը միավորելու գաղափարն առաջացել է 1990-ականների վերջին և 2000-ականների սկզբին։ Նույնիսկ այն ժամանակ այս երկրները հզոր տնտեսական տարածաշրջաններ էին` արագ աճող ՀՆԱ-ով, դինամիկ շուկաներով և համաշխարհային ասպարեզում զգալի ազդեցությամբ: Բայց գաղափարը մի բան է, իսկ դրա գործնական իրականացումը՝ բոլորովին այլ հարց։ Հենց Ռուսաստանի ազգային առաջնորդ, նախագահ Վլադիմիր Պուտինի նախաձեռնությամբ 2006 թվականի հունիսին Սանկտ Պետերբուրգում կայացավ BRIC-ի ապագա առաջնորդների (այդ ժամանակ ՀԱՀ-ը դեռ դաշինքի մաս չէր կազմում) առաջին հանդիպումը։ Եվ միայն հինգ տարի անց՝ 2011 թվականին, Հարավային Աֆրիկան միացավ դաշինքին, և BRIC դաշինքը դարձավ BRICS դաշինք։
Նկարում՝ Տիգրան և Նատալյա Արզաքանցյանները և Ուտար Պրադեշի ֆինանսների պետնախարար, հարգարժան Սուրեշ Խաննան
Նատալյա Արզաքանցյանը նշում է․
«Հենց 2024 թվականին, երբ Ռուսաստանը նախագահում է BRICS-ի նորացված կազմը, Հայաստանի հայրենասեր քաղաքական ուժերը պետք է բացահայտ կերպով հայտարարեն միջազգային այս կառույցի հետ համագործակցության մասին, քանի որ դա կարող է Հայաստանին զարգացման հզոր խթան հաղորդել։ Հայաստանի աշխարհագրական դիրքը մշտապես ստեղծել է աշխարհաքաղաքական բարդ իրավիճակ երկրի շուրջ։ Հին ժամանակներից հայ ժողովուրդը գտնվել է բազմաթիվ մշակույթների խաչմերուկում և միշտ ստիպված է եղել պաշտպանել սեփական ինքնիշխան պետության իրավունքը։ Ժամանակակից աշխարհի միտումները ստիպում են մեզ մտածել ապագայի մասին երկու քայլ առաջ։ Բնականաբար, երկրի զարգացման որոշիչ գործոնը հզոր տնտեսությունն է։ Բայց ինչպե՞ս կարելի է երկարաժամկետ տնտեսական բարգավաճում ապահովել մի երկրում, որն ունի շատ սահմանափակ բնական և մարդկային ռեսուրսներ: Հայաստանը Չինաստան կամ Հնդկաստան չէ, որտեղ բնակչության տարեկան վիթխարի աճ է նկատվում, ինչի պատճառով ներքին վաճառքի շուկան ընդլայնվում է։ Այո, բարեբախտաբար, մենք չունենք լուրջ ժողովրդագրական ճգնաժամ, բայց դա չի փոխում այն փաստը, որ ներքին շուկան զգալիորեն զիջում է մեր գործընկերներին ու մրցակիցներին»։
Նատալյա Արզաքանցյանը շեշտում է, որ Հայաստանի և BRICS դաշինքի համակարգային համագործակցությունը (սկզբից՝ BRICS plus ձևաչափով), օգտակար կլինի ոչ միայն մեր երկրի, այլև այդ միության անդամ մյուս պետությունների համար։ Նրանք կկարողանան շահավետ ներդրումներ կատարել և զարգացնել միջազգային բիզնեսը գործող միության շրջանակներում։
Նկարում՝ Հոլիվուդյան կինոպրոդյուսեր Ավի Լերները, ձեռնարկատեր Բուլղարիայից Դարինա Պավլովան, Սերգեյ Չերեմինը՝ Մոսկվայի կառավարության նախարար – Մոսկվա քաղաքի արտաքին տնտեսական և միջազգային կապերի վարչության պետ և Նատալյա Ռոտենբերգը:
Նկարում՝ Նատալյա Ռոտենբերգ և Պուրնիմա Անանդ՝ BRICS միջազգային ֆորումի նախագահ
Տնտեսական փոխազդեցությունից բացի, Նատալյա Արզաքանցյանը ընդգծում է ևս մեկ, ոչ պակաս կարևոր հանգամանք.
«BRICS-ը ստեղծվել է հիմնականում որպես տնտեսական ասոցիացիա և ստեղծվել է 2006 թվականին՝ որպես Սանկտ Պետերբուրգի միջազգային տնտեսական ֆորումի մաս, բայց այսօր BRICS-ը մշակույթների դաշինք է, որը ձգտում է ապահովել արդյունավետ փոխգործակցություն միմյանց հետ՝ չգնալով գլոբալիզմի ծայրահեղություններին։ Հասնելով բաց սահմանների և ազգամիջյան համագործակցության՝ դաշինքի մաս կազմող ժողովուրդները չեն կորցնում իրենց ինքնությունը»։
Նատալյա և Տիգրան Արզաքանցյանները և շեյխ Ռաշիդ բին Նասեր Ալ Նուայիմի (ԱՄԷ, Աջման) և շեյխ Սալեմ Հումադ Սաիֆ Ալմազայնին։
«Ուժը Հայրենյաց» կուսակցությունը պատրաստ է մի շարք միջոցառումներ անցկացնել միջազգային փորձագետների, պետական պաշտոնյաների և բիզնեսի ներկայացուցիչների մասնակցությամբ՝ Հայաստանի՝ BRICS-ին միանալու հնարավորությունները գնահատելու և ճանապարհային քարտեզ կազմելու նպատակով։
Նատալյա Ռոտենբերգ-Արզաքանցյանի խոսքով՝ առաջին միջոցառումը տեղի կունենա Երեւանում 2024 թվականին։ Հայաստանի և BRICS դաշինքի համագործակցության թեմայով բաց հանրային քննարկում կլինի, ինչպես նաև միաժամանակ կլինի բիզնես օրակարգ, հանդիպում գործարարների և պոտենցիալ ներդրողների հետ։
Մի շարք միջազգային կազմակերպություններ, ինչպիսիք են BRICS միջազգային ֆորումը` նախագահ Պուրնիմա Ադնանի գլխավորությամբ, BCMF – BRICS Cultural Media Forum-ը` դոկտ. Jaan Nissar Lone-ն արդեն հաստատել են իրենց գործընկեր մասնակցությունը Երևանում կայանալիք միջազգային համաժողովին։ Հյուրընկալ Հայաստանը պատրաստվում է ընդունել պատվավոր հյուրերին։
