Այսօրվա իշխանությունների արածը կգնահատեն միայն ապագա սերունդները, ասել է ՌԴ նախագահ Վլադիմիր Պուտինը՝ Արեւելյան տնտեսական ֆորումի լիագումար նիստի ժամանակ։
«Միայն գալիք սերունդները կարող են գնահատել մեր արածը։
Գիտեք, որ իշխան Պոտյոմկինը ժամանակին Եկատերինա Երկրորդին գրել է՝ կանցնեն ժամանակներ, և ապագա սերունդները մեզ կմեղադրեն, որ Դուք կարող էիք միացնել Ղրիմը, բայց չարեցիք դա, և դա ամոթալի կլինի Ձեզ համար։
Պետության շահերն առաջնահերթ են։ Մենք հենց այս սկզբունքով ենք առաջնորդվում, դա ենք անկյունաքար համարում և դրա համար մենք, հաստատ, ամոթ չենք ապրի»,- պատմական ակնարկից հետո ասել է Պուտինը։
