Փարիզը Հարավային Կովկասում հրահրում է զինված դիմակայության հերթական փուլը։ Այս մասին ճեպազրույցի ժամանակ հայտարարեց ՌԴ ԱԳՆ ներկայացուցիչ Մարիա Զախարովան՝ մեկնաբանելով Ֆրանսիայի կողմից Հայաստանին CAESAR ինքնագնաց հաուբիցների մատակարարման պայմանագիրը։
Զախարովան այդ պայմանագիրն անվանել է էսկալացիա հրահրելու «ևս մեկ քայլ»: Նա կարծում է, որ Ֆրանսիան չի առաջնորդվում Հայաստանի շահերով։
Ըստ նրա` Ֆրանսիան միայն ձգտում է երկրների ներսում տարաձայնություններ ունեցողներին որպես գործիք օգտագործել սեփական կոնյունկտուրային նպատակներին հասնելու համար։ Միևնույն ժամանակ, նա Ֆրանսիան անվանեց ՆԱՏՕ–ի գաղափարախոսության ուղեցույց:
Ավելի վաղ հայտնել էինք, որ Երևանն ու Փարիզը CAESAR թնդանոթների ձեռքբերման պայմանագիր են ստորագրել։
