Առողջ ապրելակերպ, մարդու կենսակերպ, որն ուղղված է առողջության պահպանմանը, հիվանդությունների կանխարգելմանն ու ընդհանուր առմամբ մարդու օրգանիզմի ամրապնդմանը։
Առողջ ապրելակերպի հիմնական բաղադրիչներից մեկը հավասարակշռված սննդակարգն է, այն համարվում է առողջ սննդակարգի հիմքը։ Այն առողջարար է և պարունակում է մեր օրգանիզմի նորմալ գործունեության համար անհրաժեշտ բոլոր սննդանյութերը։
Սնունդն առողջ դարձնելու լավագույն ճանապարhը սննդամթերքների այս 5 խմբերից յուրաքանչյուրը ձեր ամենօրյա սննդակարգում ներառելն է.
- բանջարեղեններ և լոբազգիներ
- մրգեր
- հացահատիկային բույսեր
- անճարպ միս, ընտանի թռչնեղեն, ձկնեղեն, ձու, տոֆու, ընկույզներ և հատիկավորներ
- կաթ, պանրային յոգուրտ կամ դրանց այլընտրանքներ։
Ինչպե՞ս կարելի է կազմել օրվա սննդակարգը, սնունդը դարձնել վիտամիններով հարուստ և օգտակար, միևնույն ժամանակ կորցնել ոչ պիտանի կիլոգրամները:
Ավելցուկային քաշի առողջ նվազեցման էությունը առողջ ապրելակերպն է, որի հիմքում ընկած են ֆիզիկական ակտիվությունը և մթերքների հետևյալ 5 «առողջ» խմբերից կազմված հավասարակշռված սննդակարգը՝
- տարբեր գունավորման բանջարեղեններ
- մրգեր
- ամբողջահատիկ, հացահատիկային մթերքներ
- ճարպ չպարունակող մսեղեն և թռչնամիս, ձկնեղեն, ձու, կանաչեղեն, ընդեղեն, լոբեղեն, բիբար
- կաթ, յոգուրտ և պանիր, նախապատվությունը տալով ցածր յուղայնության արտադրատեսակներին:
Պետք է նաև խմել մեծ քանակությամբ ջուր և սահմանափակել հագեցած և «տրանս» ճարպեր, հավելյալ շաքար և կերակրի աղ պարունակող սննդամթերքների, ինչպես նաև ալկոհոլային խմիչքների օգտագործումը, քանի որ վերջինս համարվում է բարձր էներգետիկ մթերք։
Մարդու օրգանիզմի համար վիտամիններն ու միներալները հանդիսանում են կենսականորեն կարևոր և անփոխարինելի սննդանյութեր։
Օրգանիզմի յուրաքանչյուր բջջում օրվա յուրաքանչյուր պահին ընթանում են հազարավոր քիմիական ռեակցիաներ։ Բջիջները մշտապես յուրացնում են սննդով ստացված սպիտակուցները, ճարպերը և ածխաջրերը:
Ձեզ կարող է հետաքրքրել, թե առողջ սննդակարգից բացի ունե՞ք արդյոք վիտամինային կամ միներալային հավելումների կարիք: Մեծամասամբ՝ ոչ: Բացառություն են կազմում հետևյալ դեպքերը՝
- հղի կանայք, ովքեր ունեն ֆոլաթթվի կարիք
- խիստ բուսակերներ, ովքեր ունեն վիտամին B12-ի հավելյալ քանակների կարիք
- որոշ առողջական խնդրներ ունեցող մարդիկ։
Եթե կարծում եք, որ անհրաժեշտ է ընդունել վիտամինային և միներալային հավելումներ, զրուցեք այս թեմայի շուրջ ձեր բժշկի հետ։
