ՀՀ ԱԳՆ մամուլի քարտուղարը հայտարարություն է տարածել, որում մասնավորապես նշված է.
«Այս պահի դրությամբ առկա ճշգրտված տեղեկատվության համաձայն՝ երկրաշարժի հետևանքով Սիրիայի Հալեպ քաղաքում զոհվածների թվում են ազգությամբ երկու հայեր, որոնցից մեկը երկքաղաքացի (Սիրիայի և Հայաստանի)։
Աշխատանքներ են տարվում նաև Թուրքիայում տուժածների շրջանում ՀՀ քաղաքացիների առկայության մասին տեղեկատվություն ստանալու ուղղությամբ։
Նոր տվյալներ ստանալուն պես կտրամադրենք լրացուցիչ տեղեկատվություն»։
Հիշեցնենք, որ այսօր Թուրքիայի 6 շրջաններում գիշերը7,5 մագնիտուդով ուժգնությամբ երկրաշարժ է գրանցվել, բազմաթիվ քաղաքներում կան ավերածություններ և զոհեր։
