Հայաստանը պետք է թույլ չտա, որ Լաչինի միջանցքի փակ լինելը դառնա սովորական երևույթ, լրագրողների հետ զրույցում այս մասին հայտարարեց ԱԺ նախագահ Ալեն Սիմոնյանը:
«Այդ առումով, միգուցե, մեզ համար, մեր շրջանառության մեջ ինչ-որ չափով սովորական է դարձել, բայց աշխարհի համար դա չի կարող ու չի մնալու սովորական: Մենք հետամուտ ենք լինում։ Աշխարհում, իմ գնահատականով, մեծ հաշվով կա կոնսենսուս, որ, այո՛, Լաչինի միջանցքը պետք է անհապաղ բացվի, որ, այո՛, միջանցքի բացման պատասխանատուներն են Ադրբեջանն ու Ռուսաստանը», – ասաց նա:
Սիմոնյանը վստահեցրեց՝ դիվանագիտական առումով Հայաստանը «ճակատամարտը» բավականին լավ է տանում:
