ՀՀ առողջապահության նախարար Անահիտ Ավանեսյանը հայտարարել է, թե առողջապահության ոլորտում ծավալուն գործողությունների պլան են մշակել։
Ըստ նրա՝ առաջիկայում ամբողջովին կվերափոխվեն բժշկական կենտրոնների լիցենզավորման, ենթակառուցվածքների նկատմամբ պահանջները.
«Ստանդարտների որոշակի բարձրացում կիրականացվի, և մենք, որպես պետություն, կապիտալ ներդրումների շնորհիվ առաջիկա 2-3 տարիների ընթացքում հասնելու ենք նրան, որ ՀՀ-ում բժշկական կենտրոնների միջին ցուցանիշը լինի բավական բարձր։ Այդ պահանջը պետք է գործի, և դրան խստորեն պետք է հետևել»։
Անահիտ Ավանեսյանը նշեց նաև, որ կարևորում են ծառայությունների բովանդակությունը, որն ապահովելու է ստանդարտացված մոտեցում.
«Բուժական գործընթացից ակնկալիքները հստակ են լինելու, և չափելի են լինելու արդյունքները»։
