Անվտանգային նոր համակարգ ստեղծե՞լ են, որ հրաժարվում են ՀԱՊԿ-ից. սա նոր պատերազմի շեմ է մեզ համար. Արմեն Ռուստամյան

Անվտանգային նոր համակարգ ստեղծե՞լ են, որ հրաժարվում են ՀԱՊԿ-ից. սա նոր պատերազմի շեմ է մեզ համար. Արմեն Ռուստամյան

«Հայաստան» խմբակցության պատգամավոր Արմեն Ռուստամյանի կարծիքով՝ Հայաստանն է դեմ եղել, որ ՀԱՊԿ-ը տեղակայվի հայ-ադրջանական սահմանին:

«Եղել է կոնսենսուս, որ ՀԱՊԿ-ը գա այստեղ կանգնի, Հայաստանն էլ ասել է՝ «քանի իմ ասածը չեք արել, ես դեմ եմ»: Սա ի՞նչ մոտեցում է», – Ազգային ժողովում լրագրողների հետ զրույցում ասաց Ռուստամյանը:

Նա կոչ արեց դադարել մոլորեցնել հանրությանը: Ըստ նրա՝ հենց Հայաստանն է առաջացնում իր անվտանգության հետ կապված խնդիրները:

«Սա է իրականությունը, որ ասում ենք, ասում են՝ «ո՞ւմ ջրաղացին եք ջուր լցնում»: Բա չասե՞նք», – նշեց ընդդիմադիր պատգամավորը:
Ռուստամյանն ընդգծեց՝  եթե իշխանությունն ակնարկում է, որ ՀԱՊԿ-ն այլևս անելիք չունի,  այդ դեպքում  անվտանգային նոր համակարգ ստեղծե՞լ են, որ հրաժարվում են ՀԱՊԿ-ից:

«Չենք հասկանում սրա կործանարար ընթացքը, սա նոր պատերազմի շեմ է մեզ համար», – նշեց «Հայաստան» խմբակցության պատգամավորը:

Leave a Reply

Your email address will not be published.