Day: August 15, 2023

Ադրբեջանական կողմը հերթական ապատեղեկատվությունն է տարածել: Այս մասին հաղորդագրություն է տարածել ՀՀ պաշտպանության նախարարությունը:   «Ադրբեջանի պաշտպանության նախարարության տարածած հաղորդագրությունն այն մասին, թե իբր ՀՀ ԶՈՒ ստորաբաժանումները օգոստոսի 15-ին՝ ժամը 18:05-ի սահմաններում, կրակ են բացել սահմանագոտու արեւելյան հատվածում տեղակայված ադրբեջանական դիրքերի ուղղությամբ, հերթական ապատեղեկատվությունն է »,- նշվում է հաղորդագրության մեջ:

Աշխատանքային այցով Ռուսաստանի Դաշնությունում գտնվող ՀՀ պաշտպանության նախարարի տեղակալ Կարեն Բրուտյանը հանդիպել է ՌԴ պաշտպանության նախարարի տեղակալ Ալեքսանդր Ֆոմինի հետ: Այս մասին տեղեկացնում են ՀՀ պաշտպանության նախարարությունից: ՀՀ ՊՆ հաղորդմամբ՝ հանդիպման ընթացքում քննարկվել են պաշտպանության ոլորտում երկկողմ համագործակցությանն առնչվող մի շարք հարցեր:

Լաչինի հարցով ՄԱԿ-ի ԱԽ նիստի արդյունքները կդառնան միջազգային դերակատարների արդյունավետության ցուցիչը: Այս մասին հայտարարել է ԱՀ ԱԳՆ-ն:   «Օգոստոսի 16-ին ՄԱԿ-ի ԱԽ-ն արտակարգ նիստ կգումարի՝ քննարկելու Ադրբեջանի իշխանությունների կողմից Արցախի խաղաղ բնակչությանը պարտադրված լիակատար շրջափակման հետեւանքով առաջացած վատթարացող հումանիտար իրավիճակը:   Այս նիստի արդյունքները կդառնան միջազգային դերակատարների արդյունավետության ցուցիչը»,- նշվում է հայտարարության մեջ:

Արցախում սովամահության դեպք է արձանագրվել: Այս մասին հայտնում է ԱՀ մարդու իրավունքների պաշտպանի գրասենյակը:   Մարդու իրավունքների պաշտպանի աշխատակազմ ստացված տեղեկատվության եւ ՄԻՊ աշխատակազմի կողմից իրականացված ուսումնասիրություններով պարզվել է, որ Ստեփանակերտի բնակիչ, 1983 թվականին ծնված Կ.Հովհաննիսյանը մահացել է քրոնիկ թերսնուցման, սպիտակուցաէներգետիկ անբավարարության հետեւանքով։   Ըստ դատաբժշկական փորձաքննության եզրակացության եւ անձի մահվան մասին վկայականի Կ.Հովհաննիսյանի մահվան…