Day: August 29, 2023

Մարդու իրավունքների Եվրոպական դատարանը մերժել է Հայաստանի՝ Ադրբեջանի դեմ Վագիֆ Խաչատրյանի վերաբերյալ նոր ժամանակավոր միջանկյալ միջոց կիրառելու պահանջը: Հայտնում է Միջազգային իրավական հարցերով ՀՀ ներկայացուցիչը: Միևնույն ժամանակ Դատարանն իր որոշման մեջ նշել է, որ շարունակում է ուժի մեջ մնալ դեռեւս 2020 թվականի սեպտեմբերի 29-ին կիրառված եւ նույն թվականի նոյեմբերի 3-ին ընդլայնված միջանկյալ միջոց կիրառելու որոշումը,…

ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսն անդրադարձել է Լաչինի միջանցքում տեղակայված անօրինական անցակետում Ադրբեջանի կողմից արցախցի երեք երիտասարդների առևանգմանը։ Նա X-ում (նախկին՝ թվիթեր) գրել է․ «Խորապես մտահոգված եմ, որ Ադրբեջանը շարունակում է իր վրդովվեցուցիչ վարքագիծը, որն ուղղված է Լեռնային Ղարաբաղում հայերին ահաբեկելուն, մարդասիրական հասանելիության մերժմանը և ԿԽՄԿ-ի կարևոր աշխատանքի խաթարմանը: Դա անընդունելի է»։

«Սիսիանում հազարավոր մարդիկ ցնծության մեջ են, Արցախում նույն ժամին մարդիկ հացի հերթերի մեջ են։ Երբ նայում ես Սիսիանում առաջնորդող մարդկանց դեմքերը, հրճվանքի, ցնծության մեջ են, կարծես մի քանի կիլոմետր վերև ոչ մի բան տեղի չի ունեցել»,- իր քարոզում ասել է ՀԱԵ Տավուշի թեմի առաջնորդ Բագրատ արքեպիսկոպոս Գալստանյանը։ Սրբազանը նաև նշել է. «Ընտրության առջև ենք կանգնած՝…

Թուրքիայում 5,0 մագնիտուդ ուժգնությամբ երկրաշարժ է գրանցվել: Լուրը հայտնում է Եվրոպական-միջերկրածովյան սեյսմոլոգիական կենտրոնի (EMSC) կայքը։ Երկրաշարժը գրանցվել է UTC ժամը 04.58-ին, էպիկենտրոնը գտնվել է 152.000  բնակչությամբ Ակսարայ քաղաքից 101 կմ հյուսիս-արևմուտք։ Օջախը ընկած էր 10 կիլոմետր խորության վրա։ «ՌԻԱ նովոստի»-ն հայտնում է, որ զոհերի և ավերածությունների մասին տեղեկություններ չկան։